DC Movie:వామికా గబ్బికి వరుస ఆఫర్లు.. ఇప్పుడు రిషబ్ శెట్టి ‘జై హనుమాన్’లో ఛాన్స్!
DC మూవీతో వామికా గబ్బి క్రేజ్ ఒక్కసారిగా పెరిగింది. లోకేశ్ కనగరాజ్ సరసన నటించిన ఈ భామ.. తన నటనతో ప్రేక్షకులను ఆకట్టుకుంది. తాజాగా మరో క్రేజీ ప్రాజెక్ట్లో స్టార్ హీరో రిషబ్ శెట్టితో కలిసి నటించే అవకాశం దక్కించుకున్నట్లు వార్తలు వస్తున్నాయి. దీంతో DC సినిమా తర్వాత వామికా గబ్బి కెరీర్ మరింత జోరందుకుంటున్నట్లు తెలుస్తోంది.
హీరోయిన్ వామికా గబ్బికి 2026 సంవత్సరం కెరీర్లో మంచి టర్నింగ్ పాయింట్గా మారింది. ఈ ఏడాది ఆమె నటించిన సినిమాలు వరుసగా ప్రేక్షకుల ముందుకు రావడంతో పాటు మంచి గుర్తింపును తీసుకొచ్చాయి. ముఖ్యంగా తాజాగా విడుదలైన తమిళ చిత్రం ‘డీసీ’తో వామికా గబ్బి పేరు మరింతగా వినిపిస్తోంది.
‘డీసీ’ సినిమాలో ఆమె పోషించిన చంద్ర పాత్రకు ప్రేక్షకులు, విమర్శకుల నుంచి మంచి స్పందన లభిస్తోంది. సినిమాలో లోకేష్ కనగరాజ్ ప్రధాన పాత్రలో కనిపించినప్పటికీ.. వామికా తన నటనతో ప్రత్యేకంగా ఆకట్టుకుందని సినీ వర్గాల్లో చర్చ జరుగుతోంది. ఈ సినిమా తర్వాత ఆమెకు వరుసగా కొత్త అవకాశాలు వస్తున్నట్లు తెలుస్తోంది.
ఇప్పటికే అడివి శేష్ హీరోగా తెరకెక్కుతున్న ‘గూఢచారి 2’లో వామికా హీరోయిన్గా నటిస్తోంది. తాజాగా మరో భారీ పాన్-ఇండియా ప్రాజెక్ట్లోనూ ఆమెకు అవకాశం వచ్చినట్లు సమాచారం.
‘జై హనుమాన్’లో వామికా గబ్బి?
‘హనుమాన్’ సినిమాతో పాన్-ఇండియా స్థాయిలో గుర్తింపు తెచ్చుకున్న దర్శకుడు ప్రశాంత్ వర్మ తెరకెక్కిస్తున్న ‘జై హనుమాన్’లో వామికా గబ్బి కీలక పాత్రలో కనిపించనున్నట్లు తెలుస్తోంది. ‘కాంతార’ ఫేమ్ రిషబ్ శెట్టి ఈ సినిమాలో ప్రధాన పాత్రలో నటిస్తున్నారు.
ప్రశాంత్ వర్మ సినిమాటిక్ యూనివర్స్లో భాగంగా ఈ చిత్రం తెరకెక్కుతోంది. ఈ ఏడాది మార్చిలో షూటింగ్ ప్రారంభమైనట్లు సమాచారం. అయితే వామికా గబ్బి పోషించే పాత్ర ఏమిటనే విషయాన్ని చిత్ర బృందం ఇప్పటివరకు అధికారికంగా వెల్లడించలేదు.
ఇక ఈ సినిమాలో రిషబ్ శెట్టి హనుమంతుడి పాత్రలో కనిపించనున్నట్లు ఇప్పటికే వార్తలు వచ్చాయి. 2024లో విడుదలై భారీ విజయాన్ని అందుకున్న ‘హనుమాన్’ చిత్రానికి ఇది కొనసాగింపుగా తెరకెక్కుతోంది.
చేతిలో వరుస ప్రాజెక్టులు
‘జై హనుమాన్’, ‘గూఢచారి 2’తో పాటు వామికా గబ్బి మరికొన్ని క్రేజీ ప్రాజెక్టుల్లోనూ నటిస్తోంది. రాజ్కుమార్ రావుతో కలిసి ‘ప్రహార్’, ‘దిల్ కా దర్వాజా ఖోల్ నా డార్లింగ్’, ‘జీనీ’, ‘కుకు కి కుండలి’ వంటి సినిమాలు ఆమె లైనప్లో ఉన్నాయి.
మొత్తంగా చూస్తే.. ‘డీసీ’ సినిమాతో వచ్చిన గుర్తింపును వామికా గబ్బి వరుస భారీ ప్రాజెక్టులతో మరింతగా పెంచుకునే ప్రయత్నం చేస్తోంది. ముఖ్యంగా ‘జై హనుమాన్’లో ఆమె పాత్ర ఎలా ఉండబోతుందనే విషయంపై ప్రేక్షకుల్లో ఆసక్తి నెలకొంది. అయితే ఆమె పాత్రకు సంబంధించిన అధికారిక వివరాలు మాత్రం చిత్ర బృందం వెల్లడించాల్సి ఉంది.