మనకు తెలిసిన A, B, AB, O బ్లడ్ గ్రూప్స్ (Blood groups) కాకుండా మరో అరుదైన బ్లడ్ గ్రూప్ ఉందని మీకు తెలుసా..? అదే ‘గోల్డెన్ బ్లడ్’ గ్రూప్ (Golden Blood Group). అవును ప్రపంచవ్యాప్తంగా ఈ బ్లడ్ గ్రూప్ ఉన్నవారు 50 మందికి మించరని వైద్యులు చెబుతున్నారు. అదే ఈ గోల్డెన్ బ్లడ్. వీళ్లు ఎవ్వరికైనా బ్లడ్ డొనేట్ చేయొచ్చు. వీరు మాత్రం గోల్డెన్ గ్రూప్ బ్లడే స్వీకరించాలి. అందుకే దీనిని ప్రపంచంలోనే అత్యంత విలువైన రక్తంగా భావిస్తారు. తొలి సారిగా 1961 లో ఆస్ట్రేలియాలో (Australia) ఓ మహిళ వద్ద ఈ రక్త గ్రూప్ (blood group) కనిపించింది. ఇక భారత్ లో ఇదే రక్తం గ్రూప్ కలిగిన వ్యక్తిని 2022 లో గుజరాత్ లో గుర్తించారు. ఇక కొన్ని ప్రత్యేక ఔషధాలు తయారీలో, రక్త సంబంధిత వ్యాధుల పరిశోధనల్లో ఉపయోగపడుతుంది. కానీ ఈ రక్తాన్ని కావలసిన సందర్భాల్లో సంపాదించడం చాలా కష్టం. అందువల్ల వీరికి అవసరమైన సమయంలో రక్తం దొరకడం చాలా క్షిష్టం అని చెప్పాలి.
గోల్డెన్ బ్లడ్ అంటే ఏమిటి?
గోల్డెన్ బ్లడ్ అనేది Rh-null బ్లడ్ గ్రూప్. అంటే, ఈ రక్తంలో Rh ఫ్యాక్టర్‌కు సంబంధించిన ఏ యాంటీజన్లు కూడా ఉండవు. మనం సాధారణంగా వినే Rh పాజిటివ్, Rh నెగటివ్ అనే వర్గీకరణలు Rh ఫ్యాక్టర్ ఆధారంగా చేయబడతాయి. కానీ Rh-null గ్రూప్‌లో ఆ యాంటీజన్లు అన్నీ లేవు. ఇది చాలా అరుదైన పరిస్థితి. ఎర్రరక్త కణాల్లో Rh యాంటీజన్లు ఉంటాయి. ఇవి లేని బ్లడు Rh-null అంటారు.
