నందమూరి బాలకృష్ణ, మాస్ దర్శకుడు బోయపాటి శ్రీను కాంబోలో తెరకెక్కుతున్న కొత్త సినిమా “అఖండ 2”. ఈ ఇప్పటికే సినిమాపై భారీ అంచనాలు నెలకొన్నాయి. గతంలో వీరిద్దరి కాంబినేషన్లో వచ్చిన “అఖండ” చిత్రం సంచలన విజయాన్ని నమోదు చేసిన విషయం తెలిసిందే. ఇప్పుడు దానికి సీక్వెల్గా వస్తున్న ఈ సినిమా పాన్ ఇండియా స్థాయిలో రూపొందుతోంది. ఈ భారీ ప్రాజెక్ట్ నుంచి ఇప్పటికే బయటకొచ్చిన అన్ని అప్ డేట్స్ సినిమాపై అంచనాలు అమాంతం పెంచేశాయి. డిసెంబర్ 5న ఈ మూవీ గ్రాండ్ రిలీజ్ కానుంది.
ఇక విషయంలోకి వెళ్తే…
నందమూరి బాలకృష్ణ, డైరెక్టర్ బోయపాటి శ్రీను కాంబోలో వస్తున్న 4వ సినిమా అఖండ 2. ఈ సినిమా అఖండ కు సీక్వెల్ గా వస్తున్న చిత్రం ‘అఖండ-2 తాండవం. ఇప్పటికే రిలీజ్ చేసిన అఖండ 2 ఫస్ట్ గ్లిమ్స్ ఎంతటి సంచలనం సృష్టించిందో చెప్పక్కర్లేదు. ఇటీవల వచ్చిన ఈ సినిమా ఫస్ట్ సింగిల్ జాజికాయ జాజికాయ భారీ వ్యూస్ రాబట్టి సెన్సేషన్ 14 రీల్స్ ప్లస్ బ్యానర్ పై రామ్ అచంట-గోపీ అచంట నిర్మిస్తున్న ఈ సినిమాకు థమన్ సంగీతం అందిస్తున్నాడు. డిసెంబర్ 5న అఖండ 2 వరల్డ్ వైడ్ గా రిలీజ్ కు రెడీ అయింది. ఇక ఈ వేడుకను చాలా గ్రాండ్గా నిర్వహించేందుకు నిర్మాతలు సన్నాహాలు చేస్తున్నారు. ఈ ఈవెంట్కు ఐకాన్ స్టార్ అల్లు అర్జున్ను కూడా మరో అతిథిగా ఆహ్వానించినట్లు సమాచారం. అయితే, ప్రస్తుతం ఆయన అట్లీ దర్శకత్వంలో తెరకెక్కుతున్న సినిమా షూటింగ్లో బిజీగా ఉండటంతో ఈవెంట్కు రాలేకపోతున్నారని తెలిసింది. సినిమా విడుదలయ్యాక జరిగే సక్సెస్ మీట్లో బన్నీ పాల్గొనే అవకాశం ఉందని అంటున్నారు. భారీ అంచనాల మధ్య వస్తున్న ఈ చిత్రాన్ని 14 రీల్స్ ప్లస్ బ్యానర్పై రామ్ అచంట, గోపీ అచంట నిర్మిస్తున్నారు. తమన్ సంగీతం అందిస్తున్న ఈ సినిమా నుంచి ఇప్పటికే విడుదలైన ఫస్ట్ గ్లింప్స్, ‘జాజికాయ జాజికాయ’ పాట ప్రేక్షకులను విశేషంగా ఆకట్టుకున్నాయి. మరోవైపు, డిసెంబర్ 4వ తేదీ రాత్రి నుంచే పెయిడ్ ప్రీమియర్ షోలు ప్రదర్శించాలని నిర్మాతలు ప్లాన్ చేస్తున్నారు. ఇందుకు సంబంధించిన అనుమతుల కోసం చిత్ర బృందం ఎదురుచూస్తోంది.
ముంబై లో బిజి బిజి గా అల్లు అర్జున్..!
ఇక తాజా వార్తల ప్రకారం బన్నీ ప్రస్తుతం ముంబైలో అట్లీ సినిమా షూటింగ్లో బిజీగా ఉండటం వల్ల ఈ ప్రీ-రిలీజ్ ఈవెంట్కు రాలేనట్టు తెలుస్తోంది. సినిమా రిలీజ్ అయ్యాక సక్సెస్ మీట్కి హాజరుకావొచ్చని టాలీవుడ్ సర్కిల్స్ చెబుతున్నాయి. బాలయ్య – బన్నీ మధ్య గట్టి స్నేహబంధం ఉన్న సంగతి తెలిసిందే. కొద్దినెలల క్రితం జరిగిన గద్దర్ ఫిల్మ్ అవార్డ్స్ వేదికగా బాలయ్య–అల్లు అర్జున్ కలిసి చేసిన సరదా సందడి నెట్టింట వైరల్ అయ్యింది. బన్నీ చేతిని పట్టుకుని “రా… ఒక స్టెప్ వేద్దాం” అంటూ బాలకృష్ణ ఆటపట్టించగా బన్నీ నవ్వుతూ తప్పించుకున్న సన్నివేశం ఇద్దరి మధ్య ఉన్న స్నేహం ఎంత బలంగా ఉందో మరోసారి రుజువు చేసింది. ‘అన్స్టాపబుల్’ షో నుండి గద్దర్ అవార్డ్స్ వరకు… ఈ ఇద్దరి మధ్య కెమిస్ట్రీ ఎప్పుడూ ఫ్యాన్స్ను ఆకట్టుకుంటూనే ఉంటుంది.
అల్లు అర్జున్ అరెస్ట్..!
ఇక గతంలో సినీ నటుడు అల్లు అర్జు్న్ అరెస్టుపై సోషల్ మీడియాలో, పొలిటికల్ సర్కిల్లో పెద్ద చర్చే జరిగింది. అల్లు అర్జున్ అరెస్టు తర్వాత.. సినీ ప్రముఖుల్లో చాలా మంది అరెస్టును ఖండించారు. నాని, ఆర్జీవీ లాంటి వారు.. ట్వీట్లతో ఖండిస్తే, మరికొందరు.. అల్లు అర్జున్ కుటుంబ సభ్యులను ఓదార్చారు. ఇలా టాలీవుడ్ ఈ అరెస్టును ఖండిస్తూ ఒక్కటైన సంకేతాలు కనిపించాయి. గతంలో కూడా.. నేషనల్ ఛానెల్కి ఆయన ఇచ్చిన ఇంటర్వ్యూ.. ప్రముఖ ఛానెళ్లలో హాట్ టాపిక్ అయ్యింది. అసలే అల్లు అర్జున్ నేషనల్ స్టార్. జాతీయ అవార్డ్ అందుకున్న స్టార్. అందువల్ల నేషనల్ మీడియా ఈ అరెస్టు, సీఎం రేవంత్ వ్యాఖ్యల్ని బాగా కవర్ చేశాయి. సీఎం రేవంత్ రెడ్డి సొంత పార్టీ కాంగ్రెస్లో కూడా నెగెటివ్ అయ్యారు.
సమయం లేదు మిత్రమా..?
విడుదలకు కేవలం 10 రోజులు మాత్రమే మిగిలిపోవడంతో చిత్రబృందం ప్రమోషన్లను మరింత వేగవంతం చేసింది. మాస్కి పర్యాయ పదమైన బాలయ్య, మాస్ డైరెక్టర్ బోయపాటి శ్రీను కాంబినేషన్పై అంచనాలు సహజంగానే భారీగా ఉన్నాయి. మొదటి భాగం దేశవ్యాప్తంగా సూపర్ హిట్ కావడంతో సీక్వెల్పై హైప్ రెట్టింపు అయింది. ఈ నేపథ్యంలోనే డిసెంబర్ 4వ తేదీనే పెయిడ్ ప్రీమియర్స్ ప్లాన్ చేసి ఒకరోజు ముందే అభిమానులకు వేడుక ఇవ్వాలని యూనిట్ నిర్ణయం తీసుకుంది. సంయుక్త మీనన్ హీరోయిన్గా నటిస్తున్న ఈ చిత్రాన్ని గోపి అచంట–రామ్ అచంట 14 రీల్స్ బ్యానర్పై భారీ బడ్జెట్తో నిర్మిస్తున్నారు. బాలయ్య ఈ చిత్రంలో రెండు వేర్వేరు శక్తివంతమైన పాత్రల్లో నటిస్తున్నారు. బోయపాటి శ్రీను మార్క్ యాక్షన్, బాలయ్య పవర్ఫుల్ నటన, ఆధ్యాత్మికత, ధర్మ పరిరక్షణ వంటి అంశాలన్నీ కలిపి ‘అఖండ 2’ బిగ్ బ్లాక్బస్టర్గా నిలుస్తుందనే అంచనాలు ఉన్నాయి.
